“Palatihan Paningkatan Kapasitas Untuak Wali Nagari Sarato Parangkaik, Sukses Barakaik Dukungan Dana Pokir H.Bukhari,Dt.Tuo.,S.E”
HARIANHALUAN.id – Diadoan di Hotel Rocky Padang pado tanggal 24-25 September 2023, palatihan paningkatan kapasitas untuak wali nagari jo parangkaik nagari sa-Kabupaten Tanah Data jo Kabupaten Sijunjuang nan diadokan dek Dinas Pemberdayaan Masyarakat Desa (DPMD) Provinsi Sumbar.
Acara itu juga didukuang bantuan pendanaan nan basumber dari dana pokok pikiran (Pokir) Anggota DPRD Provinsi Sumatera Barat H. Bukhari,Dt.Tuo.,S.E bajalan lancar sampai hari panutupan.
Dalam jadwal sabananyo, palatihan ko akan balansuang salamo 3 hari hinggo hari Salasa tanggal 26 September 2023. Namun karano satu jo lain hal dek banyak dari nagari nan sato palatihan sadang malakuan proses pamilihan wali nagari (Pilwana), mako sagalo materi nan ado dipapendek dalam 2 hari untuak manyesuaikan.
Materi dalam palatiahan paningkatan kapasitas parangkaik nagari ko disampaikan dek pamateri nan alah mampunyoi kualifikasi dalam palatihan paningkatan kapasitas.
Aratinyo pamaterinyo batuae-batuae pamateri nan mampunyoi kompetensi dalam bidang nan bakaitan jo panyalanggaraan pamarintahan nagari, mulai dari pamaparan nan disampaian dek anggota dewan, BPKP Sumbar, Dinas PMD Sumbar, Kejaksaan Tinggi, Ombudsman, sarato narasumber lainnyo.
Saganok peserta palatiahan khususnyo nan barasa dari Nagari Batipuah Ateh mangucapkan tarimo kasih kapado Bapak H.Bukhari.Dt.Tuo.,S.E nan alah mambari dukuangan pandanaan, maundang sakaligus mambari kasampatan kapado wali nagari sarato parangkaiknyo untuak turuik bapartisipasi dalam kagiatan ko.
