Salain itu, ado babarapo kiasan, papatah Minang atau samacamnyo nan manjadian bajak sabagai padomannyo. Ado kato kieh nan mangatoan “Lakek pasangan ateh kuduak disandang kayu bajipang, mandanyuik tali katalingo dihelo singka pulang pai”.
Makna sederhananyo adolah jikok baban jo tangguang jawab dilimpahan ka badan diri, apopun kondisinyo baban tasabuik harus dijunjuang dan tangguang jawab harus ditunaian.
Lain pado itu, ado pulo kiehnyo “Dahulu bajak pado kabau” biasonyo kabau nan maelo bajak, kini malah sabaliaknyo tantu ado kalainan. Ikolah realitas nan lah acok tajadi dalam masyarakaik kito akibaik adonyo pageseran nilai dan budayo, parubahan paranan urang tuo sarato mamak dalam mangawasi anak kamanakan. (*)
Laman 2 dari 2
Sumber:
OLEH: TUTI ROHAYANI
