“Mamaknai dan Mansyukuri Hari Kemerdekaan RI Ka-78, PHBN dan Camaik Batipuah Laksanakan Upacara Bendera”
HARIANHALUAN.id-Tapek di tanggal (17/08/23) sacaro sarantak di panjuru tanah aie mulai dari pusek kota hinggo ka palosok daeah malaksanoan upacara bendera dalam rangko mamparingati HUT Kamardekaan Republik Indonesia nan ka-78.
Upacara itu sabagai wujuik raso nasionalisme, tarimo kasih dan sikap manghormati jaso-jaso pahlawan nan alah mampajuangkan kamardekaan, sahinggo bisa kito nikmati buah nyo di maso kini.
Di Kacamatan Batipuah, upacaro dilaksanaan di Lapangan Bola Kaki Balai Gadang Nagari Batipuah Baruah. Upacaro dipimpin langsuang dek Camaik Batipuah Abdi Hardifala, S.IP.,M.SI sabagai pembina upacara. Samantaro nan batindak sabagai pamimpin upacara adolah anggota koramil Batipuah. Upacara ko tatap bajalan khidmaik maskipun kaadaan cuaca nan indak mandukuang.
Upacara nan diikuti dek Anggota Dewan Perwakilan Rakyat Daerah (DPRD) Kabupaten Tanah Datar, Parangkaik Camaik Batipuah, Forkopimca, Wali Nagari sarato parangkaik jo staf, sa- Kacamatan Batipuah, Kapalo Dinas / Instansi sa-Kacamatan Batipuah, Katua Bhayangkari, Katua Persit, Katua LKAAM Kacamatan Batipuah, Katua MUI Batipuah, Katua BPRN se-Kecamatan Batipuh, PD/PLD/PDTI, Kapala Sikola tingkaik SD/SLTP/SLTA sarato guru, siswa-siswi mulai dari tingkaik SD, SlTP, SlTA sa-Kacamatan Batipuah, Katua TP PKK se-Kecamatan Batipuh, TKSK/Pendamping PKH, PANWASLUCAM/PPK/PKD/PPS, Bundo Kanduang Batipuh, HIMPAUDI sa-Kacamatan Batipuah, UPK Banaga, Mahasiswa KKN dari Universitas Andalas, Universitas Ekasaksi, dan Universitas Islam Negeri Imam Bonjol Padang dimano upacara ko diiriangi jo marching band dari SMAN I Batipuah.
Dalam upacara ko juo disarahkan anugerah satya lencana kapado ASN nan alah setia mangabdi kapado nusa jo bangsa sasuai jabatan nan dipaciknyo. Tamasuak salah satu nyo Kapalo sikola TK Islam di Jorong Subarang, jo Anak Nagari Batipuah Ateh nan sampai kini masih mangabdi sabagai kapalo sikola TK di Nagari Tanjuang Barulak.
Khusus untuak Nagari Batipuah Ateh, kagiatan ko ditutuik jo minum pagi basamo antaro Wali Nagari, parangkaik nagari, staf sarato anak KKN Universitas Eka Sakti, sabagai wujuik raso syukur kapado Allah nan alah ma anugrahkan kamardekaan kapado bangsa kito malalui jariah payah pahlawan kito tadahulu.